-ممكن مساعده-بأبداء رأيكم

السلام عليكم ورحمة الله وبركاته

اما بعد:

اشلونكم اعضاء المنتدى من اخواتي وصديقاتي

بصراحه

صديقتي تواجه مشكله ورادتني اساعده

اريد رأيكم بالموضوع

-هي بنت مؤدبه وخجوله بس قوية الشخصيه
چانت في يوم من الايام العاديه تشارك في المنتديات الي هي مسجله بيه من قبل

وعلى فجئه تصرفات مدير المنتدى الي هو بگده بالعمر
بدت تتغير
يعني
من خلال الالعاب
اذا كانت العبه كول العضو الي تحبه يكول اسمه
واذا اختار عضو تهدي ورده او هديه او اي شي اتكون هي الي يختاره
وبععدين اطورت الى كلام مباشر وهي انو اني احبج واريد صورتج اذا ممكن

واريد ايميلج ووين ساكنه وبيا مكان وغير هوايه اسئله-

بصراحه البنيه تعرف هذا غلط وهي مطاوعته بأي شي طلب من عده

بس هي تعرف انو هذا ميجوز بس متدري اشلون تخلص من هذا الشي

وهي كالتله اني اعتبر هذا حرام بس هو مديفتهم

السوال هو

شسوي

برأيكم

ولكم جزيل
الشكر

موضوع خطير جداً
قوليلها تدير بالها لانه اذا طلب صورتها وايميلها ببقى هذا كذب
وهيك بصيدو البنات

ممنوع منعاً باتاً تعطيه الصور او الايميل
ياما بنات انخرب بيتهم من هالاشياء هاي

وممكن تقرأي هذا المووضع وقولي رأيك

كل هذا ببقى خطط شيطانيه لإصطياد الفتيات بالكلام المعسول وغيره

https://ranen.all-up.com/montada-f28/topic-t893.htm

استغفر الله العظيم

اختي الكريمه يجب عليك الآن وقبل اي شيء تحذير صديقتك من هذا الذئب البشري

هؤلاء الذئاب ينهشون عرض الفتيات

ويقولون نريد صورك او ايميلك ليسقطوها في الرذيله ....

انصحك اختي قولي لصديقتك ان تبتعد عن هذا المنتدى

لان الشيطان يزين للانسان الرذيله

والسلام عليكم ورحمه الله وبركاته

شكرا على ردودكم
لان بصراحه هاي مو بس صديقتي يعني اني اعتبره مثل اختي
وچنت رايده اساعده
واني اول شي سويته گلتله بعد مطب وتترك هاذا المنتدى وهذا الي سوته هي

وان شاء الله ينتهي كل شي على خير

ان شاء الله